NEP 2020: పరీక్షల తీరులోనూ పలు మార్పులు.. అన్నీ తరగతులకు పరీక్షలు ఉండవు..!

ఎన్‌ఈపీ 2020 ప్రకారం పరీక్షలు, మూల్యాంకనానికి సంబంధించి కూడా పలు మార్పులు చోటు చేసుకున్నాయి.

నూతన జాతీయ విద్యా విధానం-2020 ద్వారా దేశ విద్యావ్యవస్థలో భారీ మార్పులకు కేంద్ర ప్రభుత్వం శ్రీకారం చుట్టిన విషయం తెలిసిందే. ఇందులో భాగంగా అత్యంత కీలకమైన పరీక్షలు, మూల్యాంకనానికి సంబంధించి కూడా పలు సంస్కరణలు చేసింది. ఈ అంశాలను పరిశీలిస్తే..

• నేషనల్ సెంటర్ ఫర్ పర్‌ఫార్మెన్స్ అసెస్‌మెంట్, రివ్యూ అండ్ అనాలిసిస్ ఆఫ్ నాలెడ్జ్ ఫర్ హోలిస్టిక్ డెవలప్‌మెంట్(పీఏఆర్‌ఏకేహెచ్-పరఖ్)ను ఏర్పాటు చేస్తారు.
• ఇది విద్యార్థుల మూల్యాంకనానికి సంబంధించిన ప్రమాణాలు, మార్గదర్శకాలను రూపొందిస్తుంది. అలాగే స్టేట్ అచీవ్‌మెంట్ సర్వేలకు మార్గ నిర్దేశం చేస్తుంది. అంతేకాకుండా నేషనల్ అచీవ్‌మెంట్ సర్వేలను నిర్వహిస్తుంది. దాంతోపాటు దేశంలో లెర్నింగ్ అవుట్‌కమ్స్‌ను పర్యవేక్షిస్తుంది.
• 3, 5, 8 తరగతులకు పరీక్షలు ఉంటాయి.
• అలాగే 10, 12 తరగతులకు బోర్డ్ పరీక్షలు నిర్వహిస్తారు. అయితే ఈ పరీక్షలు విద్యార్థి నైపుణ్యాలు పెంపొందించుకున్నాడా లేదా అనే విషయాలను పరిశీలించేలా ఉంటాయి.
• బట్టీ విధానానికి దూరంగా కోర్ కాన్సెప్టులు, విజ్ఞానం, నైపుణ్యాలు… వాటిని నిజ జీవితంలో అనువర్తించడంపై మూల్యాంకనంలో దృష్టిసారిస్తారు.
• బోర్డ్ పరీక్షల్లో సరళత్వం ఉంటుంది.
• ప్రతి విద్యార్థి నిత్యం నేర్చుకునే విధానాన్ని పరిశీలించేలా ముల్యాంకనం జరుగుతుంది.
• ఏఐ ఆధారిత సాఫ్ట్‌వేర్ ద్వారా ప్రతి విద్యార్థి ప్రోగ్రెస్‌ను అంచనా వేస్తారు. అలాగే సరైన కెరీర్‌ను ఎంచుకునేలా తోడ్పాటును అందిస్తారు.
• వివిధ బోర్డులు నిర్వహించే పరీక్షల మధ్య సమతుల్యత పాటించేలా నేషనల్ అసెస్‌మెంట్ సెంటర్ చూస్తుంది.
• విద్యార్థులపై కోచింగ్ ఒత్తిడి తగ్గించేలా.. నేషనల్ టెస్టింగ్ ఏజెన్సీ(ఎన్‌టీఏ).. నాణ్యమైన కామన్ అప్టిట్యూడ్ టెస్ట్‌కు రూపకల్పన చేస్తుంది.
• కరిక్యులంలో కూడా ఇందుకు తగ్గట్లు మార్పులు చేస్తారు.